PLAUTIUS Sylvanus

PLAUTIUS Sylvanus

praenomine Tiberius, Praetor incertis causis Aproniam coniugem in praeceps iecit; tractusque ad Caesarem ab L. Apronio socero, turbatâ mente respondit, tamquam ipse somnô gravis atque eo ignarus, et uxor sponte mortem sumpsisset. Non contanter Tiberius pergit in domum, visit cubiculum; in quo reluctantis et impulsae vestigia cernebantur. Refert ad Senatum, datisque iudicibus Urgulaniae, Silvani avia, pugionem nepoti misit, quod perinde creditum, quasi Principis monitu, ob amicitiam Augustae cum Urgulania. Tacit. l. 4. Annal. c. 22. decimô Tiberii Imperatoris annô.